گه­ماڵه­یل: ئڕاێ گه­ماڵ­خان!

گه­ماڵْ گه­ڕ

گه­ماڵْ شه­ڕ

گه­ماڵْ زنجیرکریاێ

گه­ماڵ­خان

گه­ماڵْ تر

□

گه­ماڵْ گه­ڕ

هؤرْ مناڵیه گْ داڕزیاس و دؤادؤایه

گیان که­نێ

گه­ماڵْ شه­ڕ

گه­ماڵێگه نه­ێدنه­و شووند

تواێ قه­پ بگرێده لید

گه­ماڵْ زنجیرکریاێ

گه­ماڵْ خه­ته­رْ تره

ئه وڵێ بکه­ن

له گه­ماڵْ شه­ڕ به­تر که­ێ

قنجگێگه لید نیه­یلێ

ئه­مانێ هه­له­ێوایشه له تاوێ کوڵ­پس کردیده

نیه­وێری وه نزیکیا ڕه­ێ بؤد

گه­ماڵ­خان

یه­کێگه خوه­شده ناو نؤرێ نیه­تیه­ێ

یا هاتێ ئه­ؤ خوه­شیه ناو نؤرْ تْ ناێ

گه­ماڵ­خان ئه­ڵبه­ت یه­کێگ و دوانیش نیه!

گه­ماڵْ تر

نیه­زانی کیه و چوه­سه

هاتێ یه­ێ زه­مان زانسؤد

ئه­مانێ ئێسا نیه­زانی

هه یه زانی هاتێ دووسد بؤد

□

گه­ماڵْ گه­ڕ

وه دڵ­سزیانێگ نان که­یده وه­رێ

خوه­شد تیه­ێ گیان بڕه­ویه­ێده­و پێ

بووده گه­ماڵه­گه­ێ جاران

ئه­مانێ قازاشت نه­ێرێ

بایه­ێ بیلیدنه­ێ ئڕاێ خوه­ێ بتووپێ

له که­نێگ

            له دؤره­ئاواێ

که­س ئه­و سه­رێ نه­چوود

مه داڵه­یل و مه­یه­سه­یل-خوادایلْ پێسی- 

گه­ماڵْ شه­ڕ

نان که­یده وه­رێ

به­شکم بووده دووسد

کاره کارد نێاشتوود

ئه­مانێ یه­یشه قازاشت نه­ێرێ

گه­ماڵْ شه­ڕ

هؤرێ وه تێژێ دگانه­یلێ نیه!

سوو گورج­تر له دؤه­که نه­ێدنه­و شووند!

گه­ماڵْ زنجیرکریاێ

هه دڵێ نه­یری نان بکه­یده وه­رێ!

وه­و چه­وه­یلْ ترسناکه­و هه­گْ نووڕێده پید و

تا ئه­وره­گ زنجیره­گه هیلێ

هه­ڵاماتد تیه­رێ

له هؤرده­و چوو نان چوه­سه و دووسی کامه!

گه­ماڵ­خان

نان بکه وه­رێ نه­که وه­رێ یه­ێ سانه

گه­ماڵ­خان هه­مؤشه گه­ماڵ­خانه

گؤه­ڕیان له کارێ نیه

خودایش بایده­و زه­ؤ! 

گه­ماڵْ تر

 نیه­زانی کیه و چوه­سه

سه نیه­زانی نانیش تواێ یا نه

□

گه­ماڵه­یل فه­ره­ن

یه­کێگێان یووزف ک.یه­گ چه­قوو نه­نه ملێ

یه­کێگێان هاتێ ده­س بکه­ێده ملد و له باوشد بخه­فێ

تؤتگه­یلْ شاریش هه­ن

گْ ئه­سباوبازی یا خوسه­له­هؤره­و­به­رْ خاوه­نه­گه­ێانن

گرانیشن

پؤلْ یه­کێگێان هاتێ ژیانْ تْ ژیرْ­ڕؤ بکه­ێ!

ئه­مانێ گه­ماڵْ تر

هه­رچێ که­م نیه­که­فێدنه­و هؤرم

هاتێ گه­ماڵێ بؤد له مه­ته­ڵه­یلْ باوگم

هاتێ گه­ماڵێ بؤد له خه­نیه­وارانْ مناڵی

کْ گه­ڕ بؤد و

وه کزێگه­و نان خسؤده وه­رێ

هاتێ گه­ماڵْ شه­ڕێگ بؤدنگ

قه­پ گرتؤده لید

ئه­مانێ خه­نسؤده پێ و

بؤدنه دووسد

هاتێ یووزف ک. بوود

چڕمه­و شامامه­ێ هه گه­ماڵ­خان نه­ود!

هاتێ گشتێان بوود

هاتێ هؤچ­کامێان

هه­رچێ هه­سه گه­ماڵْ ژیان­ تنه

هه­مؤشه­ودایه­م وه­لدا بؤه و ها وه­لدا

له ڕووژْ یه­کما

گشت چشتد خاس­تر له خوه­د ها هؤرێ و زانێ

گاجار نزیکه­و بوود

ئه­مانێ له­نوو خه­ێوا یه­تیه­ێ

یانه­یشه­گ وه­تی نیه

نیه­زانی چوه­سه

چؤ بؤشی چوه­سه

هه زانی هه­سه

دوسد بؤه

دووسْ نازارد

دووسْ دڵسووزد

هاتێ یانه­یشه نه­ود؟

هاتێ هه نه­ود؟

وڵێ که

 قازاشت نه­ێرێ

ده­س له قه­وه­ێ ئه­ؤ و خوه­د و ئه­ودؤایه­و بکه

گشتیان بکه­مه نه­وکه­رْ گه­ماڵ­خان!