شێعرێکی عوبێد سورخابی بۆ شیناوێ(پیرانشار)

...

 

دەبا ئەم شێعرە پەڕپەڕ بێ، دەبا ئەم هەستە بمرێ

دەبا گڕکانی ئەم سۆزە لەشی زامارم بگرێ

دەبا ئەم وانە دوای ئێوە بە ڕۆڕۆیان بلاوێ

دەبا ئەم شارە لە دواتان بەرۆک و سینگی بدرێ

چیای قندیل سەری شۆڕە لە هەمبەر سادەگیتان

دەبا ڕووباری لاوێنیش گەلۆی شین گێڕی بچرێ

هەموو ڕۆژێ شنە دێنێ هەواڵێکی جەرگبڕ

ئەوا دیسان دەبێ دایک کفن بۆ ڕۆڵە ببڕێ

چ ڕووداوێکی ئاشنایە بە پۆل سووتان لە خاکم

بڵەی ڕۆژێ خودا بێت و تەمی ئەم دەردە بسڕێ؟

شێعرێکی شلێر دانشفەر (پیرانشار)

...

بیده نگم
نه به خه نده !!!
پرم له گریان ...
هه نا سه یه ک به بالای فرمیسک داده چوری و
سکالای ژانیک
ده رووخی بی ئارامی ...

شێعرێکی ک.د.ئازاد بۆ شیناوێ (بانە)

بۆ گوڵه‌ ژاکاوه‌کانی شیناوێێ پیرانشار

ده‌نگی بازنه‌ و موت و مووردێ
هه‌بێ و نه‌بێ،
له‌ شیناوێ،
فریشته‌کان سه‌ما ده‌که‌ن!
ڕوو له‌ قاپیی خودا ده‌که‌ن!
**
جووتێ چه‌کمه‌ی سووری کچانه‌
به‌ جێ ماون!
له‌ ئاگر دا هه‌ڵقرچاون!
**
دایه‌ دایه‌ نام ناسیه‌وه‌
ڕۆڵه‌ی خۆتم،
کۆتره‌ باریکه‌ی تاساوه‌!
له‌ شایلۆغانی ئاگردا
په‌ڕ و باڵه‌که‌م سووتاوه‌!

ادامه نوشته

پیرانشار ڕەش پۆشە

هه‌واڵی دڵته‌زێنی ئاگرگرتنی قوتابخانه‌ی بنه‌ڕه‌تی کچانه‌ی شین ئاوای پیرانشار، که تێیدا 37 پەپولەی ته‌مه‌ن 9 ساڵانی شاره‌که‌مان پەر و باڵیان هەڵپروزا، شارەکەمانی ڕەش پۆش کرد و دڵی هاوشاریانی خۆشەویستی چزاند. ئەنجومەنی ئەدەبیی چرای پیرانشار وێڕای ده‌ربڕینی ئەوپەڕی خەم و پەژارەی خۆی و هاودەردی دەگەڵ بنەماڵەی پەپولە باڵ سووتاوەکانی ئەم کارەساتە دڵتەزێنە، بە ئاواتە هەمووی ئەو خۆشەویستانە بە سڵامەتی بگەڕێنەوە و چاومان بە دیداریان شاد بێتەوە و داوا لە خەڵکی بە سۆز و جەرگ سووتاوی شارەکەمان دەکات هێمنی و ئارامشی خۆیان ڕاگرن و دڵدانەوەی بنەماڵەی قوربانیان بکەن و بە شێوەیەکی دروست و مەدەنی و بە دور لە دەمارگرژی ناڕەزایەتی خۆیان سەبارەت بەم ڕووداوە و کەمتەرخەمی بەرپرسانی شار دەرببڕن. 

پاییز، ئوستووره‌ی ژینه‌مه‌رگی

خوێندنه‌وه‌ی شێعری "پاییز"ی سارا دانش‌دوست

مراد ئه‌عزه‌می

پاییز،یه‌ک له‌ مۆتیڤه‌ خاوه‌ن لایه‌نگره‌کانی پانتای شێعره‌،له‌لای زۆربه‌ی شاعیرانه‌وه‌. ساراخانمیش وه‌ک شاعیرێک، زۆرترین که‌ڵکی له‌ومۆتیڤه‌ وه‌رگرتووه‌ و زۆریه‌ک له ‌جهیانی ده‌قه ‌شێعریه‌کانی له‌سه‌رده‌ستی ئه‌م مۆتیڤه‌ فره‌مه‌دلووله‌ ڕۆناوه‌. پاییز،سێهه‌م وه‌رزی ساڵ ،ڕێک له‌ سه‌ره‌تای شۆڕبوونه‌وه‌ و به‌ره‌وکۆتایی خزینه‌وه‌ی دا ڕاوه‌ستاوه‌.له‌ ساته‌وه‌ختی حه‌ره‌که‌تی سروشت به‌ره‌ومه‌رگێکی کاتی. ئۆستووره‌ی مه‌رگ،دابڕان ،کۆتایی ،ماڵئاوایی،...،ده‌لاله‌ته‌کانی ژێرخانه‌ نهێنیه‌کانی ته‌واوی ئه‌وچه‌مکانه‌ن که‌ ڕوویان له‌ کۆتایی و ته‌واوبوونی مه‌ودا و دابڕانه‌. وه‌ک،هه‌موو ئێواره‌کان، قۆناغی په‌نجاوشێستی ته‌مه‌ن و...،خودی پاییز.

ادامه نوشته

بەشێک لە وتووێژی گۆڤاری هەژێن دەگەڵ عوبەید سورخابی (بەشی یەکەم)

1 . ئایا هاتنه‌ ئارای ڕه‌وتی شێعری نوێی کوردی به گوێره‌ی ئه‌و گۆڕانکاریانه‌ بوو که ده‌ کۆمه‌ڵگای کوردی­دا پێک­هات، یا ده‌کری وه‌ک دابین بوونی زه­روره‌تێکی مێژوویی لێی بڕواندرێ؟

فه‌رهه‌نگی هه‌ر نه‌ته‌وه‌یه‌ک ده‌ ڕه‌وتێکی مێژوویی­دا و له‌سه‌ر زنجیره‌یێکی تێک­چندراوی دیارده‌کان و ڕۆداوه‌کان دێته‌ به‌رهه‌م. بۆ نمونه‌ فه‌رهه‌نگی کۆمه‌ڵگای کورده‌واری وه‌ک نه‌قش و نیگاری فه‌رشێکه که له کۆمه‌ڵێک گرێی بچووک و له‌سه‌ر شه‌به‌که‌یه‌ک له‌ تان و پۆ و به‌ درێژایی زه‌مان چندراوه‌ و ئه‌گه‌ر تانێک یا پۆیه‌ک له‌م شه‌به‌که‌ ده‌رکێشین ئه‌وه‌ بۆشاییه‌ک ده‌ درێژایی یا به‌رینایی فه‌ڕشه‌که‌دا ساز ده‌بێ و نه‌قش و نیگاره‌که‌ ناقیس ده‌مێنێته‌وه‌. له لایه‌کی دیکه‌شه‌وه‌، شێعر وه‌ک زه‌مینه‌یه‌ک له‌ هونه‌ر، به‌ ڕوونه‌مایه‌کی پڕ نه‌قش و نیگاره‌وه‌ له‌سه‌ر بنه‌مایه‌کی فه‌رهه‌نگی به‌ هه‌مو دیارده‌ ئاشکرا و شاراوه‌کانی (بیروباوه‌ڕ، ئایین، مێژوو، ئوستوره‌، زمان...) دێته‌ به‌رهه‌م.

ادامه نوشته

شێعرێکی ئەکرەم حەسەن زادە (سەریاس)

. . .

شه وگار

به گیانی خۆر

سوێندت ده‌ده‌م

دام پۆشه

تا که س نه بینێ

یادی یارم

هه رشه ودێتوو

ده ست له ملی

ئاواته کانم ده کاتوو

ده بێته هه تاوی

خه یاڵاوی

خه ونه کانم....